Қўқонда водий дербиси. Жамоаларнинг статистикаси қандай?

“Андижон” клуби янги мавсумни сафарда “Қўқон-1912”га қарши ўйин билан бошлашидан яхши хабардорсиз. 

“Қўқон-1912” бир неча йиллик танаффусдан сўнг яна Суперлигага қайтди. “Андижон”нинг ушбу рақибга қарши сўнгги ўйини 2021 йилга тўғри келади. Андижонда 1:2, Қўқонда 1:1 ҳисоблари кузатилган.

Умумий ҳисобда жамоалар 28 та учрашувда беллашишган. “Қўқон-1912”да 11, “Андижон”да 9 ғалаба бор. Яна 8 та ўйинда дуранг қайд этилган. Тўплар нисбати 41\45 "Андижон" фойдасига.

“Андижон” охирги марта бу рақибини 2003 йили ўз майдонида 1:0 ҳисобида мағлуб этган. 1998 йили қўқонликлар “Темирйўлчи” номи билан чемпионатда иштирок этган маҳалда “Андижон” Қўқонда 0:6 ҳисобидаги ғалабани қўлга киритган. Бу эса иккала клуб ўртасидаги ўзаро учрашувларда қайд этилган энг йирик ҳисоб бўлиб турибди. Умумий очколар эса “Қўқон-1912”да 41, “Андижон”да 35.