Қўқонликлар устози ўз майдонида "Металлург"дан учралган мағлубиятга изоҳ берди

Суперлига 21-тур доирасидаги “Қўқон-1912” – “Металлург” учрашувидан кейинги матбуот анжуманининг иккинчи қисмида “Қўқон-1912” жамоаси бош мураббий вазифасини бажарувчи Азиз Тўхтабоев қатнашди. Бу ҳақда клуб матбуот хизмати хабар берди.

- Гапимни бошида шуни алоҳида таъкидламоқчиманки, бугун футболчиларимиз мағлубиятга лойиқ эмасдилар. Учрашувни яхши бошлаган эдик. Тезкор гол киритишга муваффақ бўлдик. 23-дақиқагача тўлиқ устунлик биз томонда бўлди. Шу вақт мобайнида кўплаб голли вазиятлар яратдик. 23-дақиқада кутилмаганда Мурод Холмуҳаммедовнинг қизил карточка олиб майдонни тарк этгани ўйинимизга салбий таъсирини ўтказди. Шогирдларимнинг бугунги ҳаркатлари мухлисларга манзур бўлди деб ўйлайман.

Шу ўринда бизни стадионда қўллаб турган ишқибозларимизга катта раҳмат айтаман. Улар ҳисоб 1-3 бўлиб турганда ҳам жамоамизни ажойиб тарзда қўллаб туришди. Ўйин сўнггида эса футболчиларни қарсаклар билан кузатиб қўйишди. Кейинги баҳсларда биз албатта мухлисларни хурсанд қиламиз.

Ёш футболчимиз Ҳожимат Эркинов бугун ажойиб ўйин кўрсатди. У юқори техникага эга. Ўйламанки, келажакда унинг жамоамизга ҳамда терма жамоаларимизга катта фойдаси тегади, - деди Азиз Тўхтабоев.

Фикрлар

Фикр қолдириш учун авторизациядан ўтинг!
Рустам Содиков
30/09/2019 23:43
"Кукон"нинг хамма 10 футболчиси зур уйнади. Хаммасига зур уйин учун рахмат. Бундан буёгига хамиша шундай уйнанг!