Қозоғистондаги легионеримиз жамоасига янги мураббий келди

Қозоғистоннинг  “Қайрат” жамоаси Александр Кержаков билан шартнома имзолади. Бу ҳақида клуб матбуоти хабар берди.

Россиялик собиқ футболчи, кўпчиликка "Зенит"даги ўйинлари билан таниш бўлган Кержаков мураббийлик фаолиятини 2017 йилда "Зенит" академиясида бошлаган. Кейинчалик эса Россия терма жамоасининг турли хилдаги ёш тоифаларида ишлаган.

Жорий мавсум "Қайрат" сафида ҳаракат қилаётган Иброҳимҳалил Йўлдошев учун 41 ёшли мутахассис бегона эмас. Ҳамюртимизга Кержаков "Нижний Новгород"да 2021-22 йилги мавсумда мураббийлик қилган. Бу йил Кержаков Испаниянинг "Севилья" ва Италиянинг “Интер” клубларида амалиёт ўтади. 

Эслатиб ўтамиз, 23 ёшли вакилимиз алматаликларнинг асосий таркиб футболчисига айланиб улгурди. Ҳимоячининг Осиё Кубогида қатнашиши ҳам қийинчилик билан амалга ошган эди.

                                                                                                                                                                       Фарҳод Тулкунов.