Қудратилло Абдуқаҳҳаров АҚШга навбатдаги жангини ўтказиш учун етиб борди

Профессионал боксда мағлубиятни нималигин билмай келаётган Қудратилло Абдуқаҳҳаров ўзининг 16-жангини 30 март куни навбатдаги жангини ўтказади.

Кеча ўзбекистонлик боксчи мазкур жангда иштирок этиш учун океанортига жўнаб кетган эди ва жангга тайёргарлик ўша ерда давом эттиради. Бу жангда Қудратиллога япониялик тажрибали боксчи Кейта Обара рақиблик қилади. “Кунчиқар юрт” вакили шу вақтга қадар профессионал рингда 24 та жанг ўтказиб, 20 ғалаба (18 нокаут), 3 мағлубият ва 1 дуранг қайд этган.

Япониялик боксчи билан бўладиган тўқнашув мени навбатдаги чемпионлик камарига яна бир қадам яқинлаштиради. Агар 12 раунд этиб белгиланган бу жангда ғалаба қозонадиган бўлсам, кейингиси IBF чемпионлик камари учун кечади. Ҳозирда тайёргарликлар аъло даражада давом этмоқда. Насиб қилса, бу жангда ғалаба қозониб, мухлисларни хурсанд қилмоқчиман. Мақсадим битта эмас, бир неча чемпионлик камарларига эгалик қилиш, – дейди Қудратилло SPORTS.uz нашрига.

Эслатиб ўтамиз, боксчимиз профессионал рингда 15 та жанг ўтказиб, уларнинг барчасида рақибларини мағлуб қилган. Шулардан 9 таси нокаут.

Фикрлар

Фикр қолдириш учун авторизациядан ўтинг!
&
Alisher
04/03/2019 00:01
Омад, морожни еб қайтиб кемасиндааа
&
Yahyobek
03/03/2019 20:27
Омад тилайман