Қувончбек Тайғанбоев: "Ўзи кичик бўлса ҳам юраги катта боксчи бўлган!

"Жанг" рукнининг навбатдаги иштирокчиси ҳаваскор ҳамда профессионал боксда ажойиб натижалар қайд этган, самимий инсон Қувончбек Тайғанбоев бўлди. У ҳафта "қаҳрамон"лари Артуро Гатти ва Оскар де ла Хойя ўртасида ўз танловини маълум қилди. 

- Улар билан замондош боксчи бўлганман. Энг аҳамиятлиси Артуро Гатти билан  Руслан Чагаев иккимиз 1997 йил АҚШда битта залда бирга машғулот олиб борганмиз. Жуда зўр йигит эди. Ҳақиқий жангчи эди. Ўзи кичик бўлса, ҳам юраги катта боксчи бўлган. Биз билан ҳам жуда илиқ муносабатда бўлган. Одам ажратмасди. Боксчи, технар сифатида Оскар де ла Хойя устун. У Гаттини ҳам мағлуб этган. Бироқ, мен Гаттини танлайман. У ҳақиқий танк бўлган. Зарбадан қўрқмаган. Ишонасизми, профессионал бокс оламида де ла Хойяга нисбатан Гаттини мухлислари кўп бўлган ўша вақтлар... Ҳар ҳолда менга шундай туюлган. Менингн танловим Артуро Гатти!