Франциялик ярим ҳимоячи Адриен Рабьо фаолиятини “Ювентус”да давом эттирадиган бўлди.

Италиялик машҳур журналист Жанлуки Ди Марционинг хабар беришича 24 ёшли футболчи эртага “кекса синьора” сафида тиббий кўрикдан ўтади ва шундан сўнг шартнома имзолайди.

Маълумотларга қараганда Рабьо “Ювентус” билан 4 йиллик шартнома имзолайди. У янги жамоасида йилига 7 млн евро маош олади. Бундан ташқари унинг онаси ва агенти 10 млн евро миқдорида хизмат ҳақи олишади.

Эслатиб ўтамиз, бугун Рабьонинг ПСЖ билан амалдаги шартномаси ўз якунига етди ва у “Юве”га эркин агент сифатида бориб қўшилади.