Рабьо "Реал"га ўтиши мумкин

ПСЖ ярим ҳимоячиси Адриен Рабьо фаолиятини “Реал”да давом эттириши мумкин. Бу ҳақда AS нашри хабар тарқатмоқда.

Таъкидлаш керакки “қироллик клуби” 23 ёшли француз футболчисини ўтган ёз, яъни “Челси”га ижарага бериб юборилган Матео Ковачични ўрнига сотиб олишни уруниб кўрган эди. Бироқ, якунда ушбу трансфер амалга ошмай қолганди.

Маълумотларга қараганда Рабьонинг ўйинлари “Реал” бош мураббийи Зинедин Зидан ва клуб президенти Флорентино Пересга ёқади. Айрим манбаалар тарқатган хабарга кўра Рабьо ва Мадрид клуби аллақачон келишувга эришишган.

Эслатиб ўтамиз, Рабьонинг ПСЖ билан амалдаги шартномаси жорий мавсум якунида ўз ниҳоясига етади. Бундан аввалроқ унинг “Барселона”га ўтиши ҳақида хабарлар тарқалган эди.