Рафаэль ван дер Ваарт: Рамос - машина, у 40 ёшгача ўйнай олади

Голландия терма жамоаси ва “Реал” собиқ футболчиси Рафаэль ван дер Ваарт “Қироллик клуби” сардори Серхио Рамос ҳақида ўз фикрини билдирди.

“Мен Серхиони жаҳон футболининг энг зўр ҳимоячиси, деб ҳисоблайман. Рамос ҳамиша ғалабага интиқ. У мақсадга эришиш учун ўзининг улкан иқтидорини ишга солади. Бу футболчи ўзининг кучли томонларини жуда яхши билади. Шунинг учун ҳам, у “Реал”нинг етакчи футболчиларидан бирига айлана олди.

Рамос – машина. Серхио 40 ёшгача футбол ўйнай олади, деб ўйлайман”, - дейди голландиялик собиқ футболчи.

Маълумот учун, 34 ёшли Рамос ўтган мавсум Ла Лигада 35 та ўйинда майдонга тушди ва рақиблари дарвозасига 11 та гол урди.

Фикрлар

Фикр қолдириш учун авторизациядан ўтинг!