Рафинья: "Саудия Арабистонидан келган таклиф мени ҳайратда қолдирди"

"Барселона" аъзоси Рафиньяга Саудия Арабистонидан жиддий таклифлар бўлган. Бразилиялик футболчи “Ал Ҳилол” клубининг таклифини рад этганини ва каталонияликлар билан шартномасини 2028 йилгача узайтирганини маълум қилди.

“Мен 15 ёшимдан бери футболчиман. Ҳаётимда яхши ҳам, ёмон ҳам кунлар бўлган. Энди эса ўзим ва оилам ҳақида ўйлайдиган вақт келди, деб ҳис қилдим. Саудия Арабистонидан келган таклиф мени ҳайратда қолдирди — у менинг, ота-онамнинг, ўғлимнинг ва яқинларимнинг ҳаётини бутунлай ўзгартириб юборарди.

Албатта, мен кетиш ҳақида ўйладим. Аммо бош мураббий Ханс-Дитер Флик билан аввал телефон орқали, сўнгра мавсумолди йиғин бошида шахсан суҳбатлашдик. У мени қолишга кўндирди. Энди эса бу қарордан жуда хурсандман”, — деди вингер ESPN нашрига берган интервьюсида.

Маълумот учун, Рафинья 2024/2025 йилги мавсумда "кўк-анор ранглилар" сафидан 57 та ўйинда майдонга тушиб, 34 та гол урди ва 25 та голли узатма муаллифига айланди. Шунингдек, у “Олтин тўп – 2025” совринининг якуний рўйхатида 5-ўринни эгаллади.