Ракитич бугун "Алавес"га қарши баҳсда иштирок этмайди

"Барселона" клуби ярим ҳимоячиси Иван Ракитич Ла Лиганинг "Алавес"га қарши баҳсида иштирок этмайди.

Mundo Deportivo нашрининг ёзишича каталонияликлар устози Эрнесто Вальверде 31 ёшли хорватиялик футболчига қўшимча дам беришга қарор қилган.

Таъкидлаш керакки, ушбу баҳсда жароҳатидан фориғ бўлган Томас Вермален иштирок этиши мумкин.

Маълумот учун, Ракитич жорий мавсум 48та ўйинда майдонга тушди ва ўз ҳисобига 5та гол ҳамда 9та голли узатма ёздириб қўйишга эришди.

Эслатиб ўтамиз, “Алавес” – “Барселона” учрашуви бугун Тошкент вақти билан соат 00:30да бошланади.