Ракитич: "Мени қадрлашадиган клубда ўйнашни истайман"

"Мен доим айтганман, бу футболкани яна бир бор кийиш шараф бўларди. Аммо барчаси фақат менга боғлиқ эмас. Бошқа факторлар ҳам ўртада бор.

Монки ва клубдаги бошқаларда ҳамон менинг телефон рақамим мавжуд. Улар менга ҳали қўнғироқ қилишганича йўқ. Яқиндагина туғилган куним бўлиб ўтди. Клубдан ҳеч ким мен билан боғланмади. Менинг Севилья билан яхши муносабатларим бор. Менинг оилам шу шаҳарда истиқомат қилади. Келажагимни ўзим ҳал қиламан. Мени қадрлашадиган клубда ўйнашни истайман.

Эслатиб ўтамиз, Ракитич 2011 йил "Шалке"дан 2,5 млн евро эвазига "Севилья"га кўчиб ўтган, 2014 йил июнида эса 18 млн евро билан "Барселона" футболчисига айланган.