Ракитич: "Месси бу совринни ҳеч қачон қўлга кирита олмайди"

Ракитич Месси ҳақида ҳазиллашиб, аргентиналик ҳеч қачон юта олмайдиган соврин номини айтди

Хорватия терма жамоаси ва "Барселона"нинг собиқ ярим ҳимоячиси, ҳозирда эса "Ҳайдук" футболчиси Иван Ракитич машҳур аргентиналик ҳужумчи, ҳозирда "Интер Майами"да ўйнаётган Лионель Мессига қилган ҳазили ҳақида гапирди.

- Мен Месси билан гаплашдим ва айтдим: Сен ҳамма нарсани ютдинг, лекин мен сен умуман эриша олмайдиган совринни қўлга киритдим. Сен ҳеч қачон Европа Лигасида ғалаба қозона олмайсан, - дея Ракитич сўзларини келтиради "Barca Universal"

Эслатиб ўтамиз, Месси 2005 йилдан 2021 йилгача "Барселона" жамоасида тўп тепган. Бу даврда у барча турнирларда 778 та учрашувда қатнашиб, 672 та гол ва 303 та голли узатмани амалга оширган. 2023 йилнинг ёзида Месси ПСЖни тарк этди ва "Интер Майами"га эркин агент сифатида қўшилди.