Ракитич ёзда МЮ нинг таклифини рад этгани маълум бўлди

"Барселона" клуби ярим ҳимоячиси Иван Ракитич "Манчестер Юнайтед"га ўтишни хоҳламаяпти.

Calciomercato нашрининг ёзишича “қизил иблислар” ёзда 31 ёшли хорватиялик футболчининг трансфери масаласида каталонияликларга мурожаат қилишган. Бироқ, Ракитич ушбу таклифни рад этган.

Эслатиб ўтамиз, бундан аввалроқ Ракитич етарли ўйин амалиёти бўлмаётгани сабаб бошқа жамоага ўтмоқчилиги ҳақида хабарлар тарқалган эди. Унга эса МЮдан ташқари шунингдек ПСЖ, "Ювентус", "Интер" ва "Милан" ҳам қизиқмоқда.

Маълумот учун, Ракитич жорий мавсум “Барселона” сафида жами 6 та ўйинда майдонга тушди. Унинг айни дамдаги трансфер нархи эса 35 млн еврога баҳоланмоқда.