Рамос эртага "Бетис"га қарши ўйинни ўтказиб юборади

Мадриднинг “Реал” клуби сардори Серхио Рамос эртага Ла Лиганинг 38-туридан ўрин олган “Бетис”га қарши ўйинда иштирок этмайди. Бу ҳақда “қироллик клуби” бош мураббийи Зинедин Зидан учрашувдан олдин ўтказилган матбуот анжуманида айтиб ўтди.

Унинг сўзларига кўра тажрибали ҳимоячи тиззасидан олган жароҳатидан тўлиқ тикланиб улгурмаган.

Таъкидлаш керакки, Рамос Испания терма жамоасининг июнь ойида бўлиб ўтадиган Евро-2020 саралаш учрашувлари учун эълон қилинган таркибидан ҳам жой олган эди. Бироқ, у ушбу баҳсларни ҳам ўтказиб юбориши мумкин.