Рамос Испания терма жамоасига қайтиши мумкин

"Севилья" ҳимоячиси Серхио Рамос Испания терма жамоасига қайтиш имкониятига эга. Бу ҳақда "қизил фурия" бош мураббийи Луис де ла Фуэнте гапирди.

“Биз ҳар доим терма жамоада ўйнаган футболчиларни ҳурмат қилишиз керак. Назаримда, Серхио терма жамоа билан хайрлашгандек туюлди. Лекин бизнинг эшикларимиз унинг учун доим очиқ”, - дея 62 ёшли мутахассиснинг сўзларини келтиради "Tribal Football" нашри.

Эслатиб ўтамиз, Рамос 2005 йилдан 2021 йилгача Испания терма жамоасида ўйнаган ва жаҳон чемпиони ва икки марта Европа чемпионати ғолиби бўлган.