Рамос келажаги борасида бир қарорга келди. У футболдан кетадими?

ПСЖ ҳимоячиси Серхио Рамос фаолиятини якунламоқчи эмас. Бу ҳақда ABC журналисти хабар тарқатди.

Манбанинг ёзишича, футболчи келаси мавсумда ҳам футбол ўйнашни давом эттирмоқчи. Кўп жароҳатларга қарамай, ҳимоячи бутсаларини михга илиш ниятида эмас.

Эслатиб ўтамиз, Рамос яна жроҳат олди ва бугунги ЕЧЛ доирасидаги "Реал"га қарши ўйинни ўтказиб юборади. Жорий мавсум Серхио 4та ўйинда майдонга тушиб, битта гол урган. Унинг парижликлар билан амалдаги келишуви 2023 йилнинг ёзига қадар мўлжалланган.