Рамос: "ПСЖ узоқ ўтмишга эга эмас"

"Пари Сен-Жермен" футболчиси Серхио Рамос жамоадаги вазият ва келгуси режалари ҳақида ўртоқлашди. Ҳимоячи айни пайтда ўзини Парижда бахтли ҳис этмоқда. 

"Биз ҳозир ажойиб формадамиз ва барча совринларни қўлга киритишни истаймиз. Бизда аҳил ва иноқ коллектив жамланган.

ПСЖ узоқ ўтмишга эга эмас. Бироқ ҳозир унда зўр лойиҳа мавжуд. Бугунги кунда ҳамма бу клубга ўтишни хоҳлайди. 

Мен ҳали ҳам аввалгидек улкан мақсадлар учун курашяпман. Ягона истагим - ғалаба қозонишда давом этиш", - дейди 35 ёшли испан.