Рамос “Реал”га қайси жамоага ўтишини айтди

“Реал” ва Серхио Рамос ўртасидаги музокаралар тобора мураккаблашиб бормоқда.

Маълумотларга қараганда, мадридликлар сардори клуб президенти Флорентино Перес билан учрашув вақтида ўзининг режасини ошкор қилган. Рамоснинг айтишича, ПСЖ раҳбарияти жамоа кучайтирилиши ва ёзда Лионель Месси олиб келинишини билдириб, ҳимоячини Париж клубига таклиф қилган.

Парижликлар билан суҳбатдан кейин Рамос “Қироллик клуби”нинг таклифни рад этди. У Маурисио Почеттино раҳбарлигида амалга ошириладиган катта лойиҳа иштирокчиси сифатида ПСЖда тўп тепмоқчи.

Ўз навбатида, Флорентино Перес ҳам Серхио Рамос кетадиган бўлса, уни ортиқ ушлаб турмаслигини маълум қилди. Шунингдек, клуб раҳбари Рамосга йилига 12 миллион евродан ортиқ маош таклиф қилинмаслигини ҳам уқтирди.