Рамос учун "Реал" қилмаган ишни бажаришга тайёр клуб топилди

Бир неча кун олдин "Реал" билан шартномаси якунланиб, эркин агентга айланган Серхио Рамос фаолиятини қайси жамоада давом эттириши ҳали аниқ бўлиб улгурмади.

"L’Équipe" нашри хабарига кўра, ПСЖ испанияликка у истаган шартномани таклиф этишга рози. Рамос 13 миллион евро маош билан икки йиллик битимга имзо чекмоқчи. Бироқ "қироллик клуби" бу келишувга кўнмаган эди.

Парижликлар раҳбарияти 35 ёшли ҳимоячига 1+1 кўринишида шартнома беришни режа қилган. Агар Серхионинг Франциядаги дастлабки йили муваффақиятли ўтса, келишув автоматик равишда узайтирилади. Айни пайтда бу энг тўғри йўл сифатида кўрилмоқда.

Ўтган мавсум "Эл-капитано" "қаймоқранглилар" таркибида 21 учрашувда майдонга тушди. Бу баҳсларда Рамос 4 гол уриб, 1 бор ассист қайд этган.