Рамоснинг олдида 2 та вариант бор

"Реал" ҳамда Серхио Рамос ўртасидаги имзоланиши кутилаётган янги шартнома тафсилотлари маълум бўлди.

“Қироллик клуби” 34 ёшли тажрибали ҳимоячига 2 та вариант таклиф қилмоқчи. Биринчиси, томонлар шартномани 1 йилга узайтиради ва футболчининг ҳозирги маоши сақланиб  қолади. Иккинчиси, шартнома 2 йилга тузилади ва Рамос ҳозирги маошидан 10 фоиз кам маблағ олади. Бу ҳақда El Chiringuito TV хабар бермоқда.

Бундан аввалроқ ,“Манчестер Сити” бош мураббийи Хосеп Гвардиола Рамосни ўз жамоасида кўрмоқчи экани ҳақида хабарлар тарқалган эди.

Серхио Рамос жорий мавсум Ла Лигада 13 та ўйинда майдонга тушди ва 2 та гол урди. Унинг “Реал” билан амалдаги шартномаси ёзда ўз ниҳоясига етади.