Рамоснинг “Реал”дан кетиши аниқлашиб қолди

Испания оммавий ахборот воситалари “Реал” сардори Серхио Рамос мавсум якунланиши билан клубни тарк этиши 80 фоизга аниқ экани ҳақида ёзмоқда.

Маълумотларга қараганда, тўпурар ҳимоячи клуб раҳбариятининг унга қилаётган муносабатидан ранжиган ва Мадридни тарк этишни режалаштирмоқда. Бир қарорга келишдан олдин у клуб президенти Флорентино Перес билан гаплашиб олмоқчи.

Айни пайтда “Қироллик клуби” футболчи билан икки йиллик шартнома имзолаб, маошини 20 фоизга қисқартирмоқчи. Бу талаб Рамосга ёқмаяпти.

Серхио эркин агентга айланадиган бўлса, уни “Ювентус”, ПСЖ, “Манчестер Сити” ва “Манчестер Юнайтед” ўз сафига қўшиб олишга тайёрлигини билдирмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)