Рамзан Қодиров ажойиб таклиф билан чиқди

Грознийда қиличбозлик ва бокс бўйича спорт мажмуаси очилди. Бу хақда "Sports.ru” сайти хабар бермоқда.

Тадбирда Чеченистон раҳбари Рамзан Қодиров иштирок этиб, мажмуага бокс бўйича собиқ жаҳон чемпиони Артур Бетербиев номини беришни таклиф қилди.

“Биз Чеченистон Республикасининг биринчи президенти Ахмат-Хаджи Қодировнинг ўгитларига амал қилган ҳолда мунтазам равишда янги спорт майдончалари ва мажмуаларини очамиз. У ҳар доим чечен ёшлари тафаккурли, билимли, руҳи соғлом бўлиши кераклигини таъкидлаб келади. Бугун биз унинг фаолиятини давом эттирмоқдамиз ва бунинг учун барча зарур шарт-шароитларни яратяпмиз” - деди Қодиров очилиш маросимида.