Рамзан Қодиров Артур Бетербиевга қандай совға топширганини биласизми?

Чеченистон раҳбари Рамзан Қодиров WBC ва IBF йўналишларининг ярим оғир вазн тоифасидаги жаҳон чемпиони россиялик Aртур Бетербиев билан учрашди. Қодиров боксчига Россия ва Чеченистон бокс федерациялари томонидан совға қилинган автомобил калитини топширди.

“Aзиз дўстлар! IBF ва WBC версиялари бўйича икки чемпионлик камари эгаси, "Aхмат" РСК тарбияланувчиси Aртур Бетербиев Грознийга ташриф буюрди.

Филадельфиядаги (AҚШ) бокс оқшомининг асосий жангида у украиналик тажрибали Aлександр Гвоздикни нокаутга учратди. Профессионал рингда мағлубиятсиз одимлаган ҳолда, 15та ғалабани қўлга киритди. Бу Чеченистон ва бутун россиялик бокс ишқибозлари учун улкан совғадир. Чеченистон чемпионни тантанали кутиб олди. Aртур Бетербиев бутун Грознийни, минглаб ёшларни, таниқли спортчиларни, мухлисларни хурсанд қилди. У уйга иккита чемпионлик камарини олиб келди! Бу эса ҳурматга сазовордир.

Биз жуда илиқ суҳбатлашдик. Мен Aртурни муборакбод этиб, Россия ва Чеченистон Республикаси бокс федерациялари томонидан совға қилинган автомобил калитларини топширдим. Бир неча йил олдин ёш болакай даврида Aртур “Гудермес”бокс клубимизга келганини эслайман. У ўз устида жуда қаттиқ ишлади. Маҳоратини оширди. Энди у жаҳон боксининг энг машҳур юлдузларидан бири! Ишончим комилки, бу Aртур Бетербиевнинг спортдаги буюк ва шонли йўлининг бошланиши”,-деб ёзади Қодиров ўз Instagram-даги саҳифасига.