Раньеридан гол керак бўлса, Шомуродовни эртароқ майдонга туширишни талаб қилишди!

Клаудио Раньери машҳур мураббий бўлгани учун италиялик журналистлар “Кальяри” натижаларини алоҳида эътибор билан кузатиб бормоқда. Сардинияликлар А Серияда сюрприз кўрсатишга қодир жамоа сифатида баҳоланяпти.

Италия матбуоти, хусусан, www.centotrentuno.com сайти дастлабки икки тур натижаларини таҳлил қилиб, жамоанинг асосий муаммоси ҳужум чизиғи эканини алоҳида таъкидлади. Ҳозирча, “Кальяри” А Серияда ҳали голлар ҳисобини очишга улгурмаган уч жамоадан бири бўлиб турибди. Сардинияликлардан ташқари ҳали бирорта очко жамғара олмаган “Эмполи” ва “Сассуоло” ҳам ҳали бирорта тўп киритгани йўқ.

Мутахассисларнинг таъкидлашича, Клаудио Раньери “Интер”га қарши баҳсда таркиб танлашда хато йўл қўйгани биринчи бўлимнинг ўзидаёқ кўриниб олган. Кейинроқ, тажрибали мутахассис бу камчиликни бартараф этди.

Таҳлилларга кўра, сардинияликларга “Интер”га қарши туришда тажриба етишмади. А Серия жамоалари орасида фақатгина “Фрозиноне” сафида А Серия “нонини еган” ўйинчилар сони жиҳатидан “Кальяри”дан кейинги ўринда холос. Клаудио Раньери қўл остида футболчилар орасида юқори дивизион дебютантлари бор ва уларга мураккаб чемпионатга кўникиб олиш учун вақт кераклигини айтилди.

Ўйинларни таҳлил қилиб бораётган экспертлар “Кальяри”нинг “Торино” ва “Интер”га қарши баҳсларда гол ура олмаётганини танқид қиляпти. Ҳар икки учрашувда сардиниялик футболчилар 90 дақиқада давомида “Торино” ва “Интер” дарвозасига атиги иккитадан зарба йўллай олган холос. Бу ҳолат А Сериядаги жойини сақлаб қолиш учун курашаётган жамоа учун кескин даражада кам экани равшан.

“Интер”га қарши ўйинда Элдор Шомуродовга тақдим этилган ўйин вақтининг камлиги баҳс-мунозараларга сабаб бўлмоқда. Икки тўп фарқи билан ортда қолаётган жамоанинг учрашувни қутқариш учун майдонга ташланган марказий ҳужумчига атиши беш дақиқа вақт берилиши хато экани таъкидланяпти.

Табиийки, ўзбек легионери ўзининг оптимал спорт формасига чиқиб олишга эришиши керак. Таҳлилчилар ёзги трансферлар бозорида ижарага олинган ягона марказий ҳужумчига берилаётган ўйин вақти клуб раҳбарияти мақсади билан ҳамоҳанг бўлиб чиқмаётгани танқид қилиняпти.

Бу ҳолат Клаудио Раньерига ҳам босим ўтказаётганлиги аниқ. Юқори дивизионда жон сақлаб қолишнинг энг асосий талаби – кўпроқ ҳужум уюштириш ва гол уришдан иборат. Лекин “Кальяри”да айнан мана шу жиҳат оқсамоқда.

“Кальяри” ўйинларини таҳлил қилиб бораётган www.centotrentuno.com сайти журналисти Роберто Пинна Клаудио Раньеридан ҳужум чизиғи ва Элдор Шомуродов ҳақидаги саволига олган жавобини ёзди. Унга кўра, италиялик мураббий “Элдор Шомуродов ҳали жамоага кўп керак бўлади”, - деб таъкидлаган.

Мутахассислар “Кальяри” А Серияда қолиши учун таркибида мавсум давомида 12-13 та гол ура оладиган футболчи бўлиши кераклигини тилга олмоқда. Бу ишни кўпроқ Элдор Шомуродов зиммасига юклаш керак. Экспертлар бунинг учун ўзбек форвардига ўйинларда етарли даражада вақт берилиши лозимлигини уқтирмоқда.

Таъкидлаш лозимки, Элдор Шомуродов уч йилдан бери Италияда фаолият юритаётган бўлса, фақатгина илк жамоаси “Женоа”да ўзида тақдим этилган вақтдан унумли фойдаланиб, тўпурарлик маҳоратини намойиш қила олди. “Рома” ва “Специя”да ҳамюртимиз кўпинча захирадан майдонга тушиб, бир неча дақиқа тўп тепди холос.

Ҳозирча, Клаудио Раньери бошқараётган “Кальяри”да ҳам худди шу сценарий такрорланмоқда.

Легионеримиз гол урди

Шомуродов терлашга ҳам улгурмаган учрашувдан кейин Раньери нималар деди?

Ана холос: Ўзбек боксчидан нокаутга учраган қозоқ жангчиси боксдан четлатилди

Легионерларимизга аниқ шарт қўйилди

Тўрт футболчимиз дунёнинг энг қиммат лигаларида тўп тепмоқда!