Рақиб Моуриньони чақирди

“Рома” бош мураббийи Жозе Моуриньога яна гранд клублардан таклиф чиқмоқда. Яқинда “Челси” португалиялик мутахассисни учинчи бор жамоани бошқаришга чорлаётгани ҳақида хабарлар тарқатилган эди.

Энди “Интер” раҳбарияти бир пайтлар жамоани катта ғалабалар сари етаклаган мураббийни яна ишга олмоқчи.

Маълумотларга қараганда, миланликлар ишдан бўшатилишга яқин турган ҳозирги бош мураббий Симоне Индзаги ўрнига муносиб мураббий қидирмоқда.

Жозе Моуриньо 2008-2010 йиллар давомида “Интер”ни бошқарган ва жамоа билан икки маротаба Италия чемпиони, мамлакат кубоги соҳиби ва Чемпионлар лигаси ғолиби бўлган.

“Интер” рўйхатига Жозе Моуриньодан ташқари яқинда “Тоттенхэм”дан истеъфога чиқарилган Антонио Конте ҳам киритилган.