Рақибларини муддатидан олдин мағлуб этган Бектемир Мелиқўзиев ва Элнур Абдураимов Тошкентга қайтиб келди (фотогалерея)

Профессионал боксчимиз Бектемир Мелиқўзиев Америка Қўшма Штатларининг Техас штатида ташкил этилган бокс оқшомида ўзининг навбатдаги жангини ўтказди. "Golden Boy" жанг кечасида унга Босния вакили Сладан Янянин рақиблик қилди.

10 раунд этиб белгиланган баҳс 3-раундда рақибнинг пассив ҳимояси сабаб рефери томонидан тўхтатилди ва якунда ҳамюртимиз муддатидан олдин ғалаба қозонди. 

Шунингдек, яна бир профессионал боксчимиз Элнур Абдураимов "Golden Boy Fight Night" бокс оқшоми доирасида мексикалик Лионель Моренога қарши жанг ўтказди. 10 раунд этиб белгиланган баҳс 1-раундда ўз ниҳоясига етди ва унда Абдураимов рақибини нокаутга учратган ҳолда ғалаба қозонди. Шу тариқа у IBF Шимолий Америка минтақавий чемпионлик камари эгасига айланди. 

Бугун ушбу икки боксчимиз Тошкентга қайтиб келди. Уларни яқинлари, мухлислар ва ОАВ вакиллари муносиб кутиб олди. 

Қуйида ушбу жараёндан фотогалереяни томоша қилишингиз мумкин.