Расман! 2032 йилги Европа чемпионати Италия ва Туркияда бўлиб ўтади

УЕФА 2032 йилда Европа чемпионатига Италия ва Туркия мезбонлик қилишини маълум қилди. Бу қарор УЕФА ижроия қўмитасининг бугун бўлиб ўтган йиғилишида қабул қилинди.

Қайд этилишича, италияликлар ва турклар қўшма аризада Евро-2032 ўйинлари учун 20 та потенциал стадионни тақдим этган. 2026 йилнинг октябрига қадар мезбонлик қилувчи 10 та арена танлаб олинади - ҳар бир мамлакатдан бештадан.

Эслатиб ўтамиз, Евро-2024 Германияда, Евро-2028 Буюк Британия ва Ирландияда бўлиб ўтади.

Амалдаги Европа чемпиони Италия терма жамоаси ҳисобланади.