Расман! "Аталанта" Дания терма жамоаси аъзосини сотиб олди

"Генк" клуби ҳимоячиси Йоаким Меле "Аталанта"га кўчиб ўтди. Бу ҳақда клуб расмий сайти хабар тарқатмоқда.

Бергамоликлар 23 ёшли даниялик футболчини 11 млн евро эвазига харид қилган. Меле янги жамоаси билан 2024 йилнинг ёзига қадар шартнома имзолади.

Йоаким Меле “Генк” сафида 2017 йилдан буён тўп суриб келаётган эди. У ўтган давр мобайнида жами 130 та ўйинда майдонга тушди ва 6 та гол ҳамда 22 та голли узатмага муаллифлик қилди. У Дания терма жамоаси сафида 6 та ўйинда иштирок этиб, ўз ҳисобига 1 та гол урган.