Расман! "Атлетико" Корреа билан янги шартнома имзолади

Мадриднинг "Атлетико" клуби ҳужумчиси Анхель Корреа жамоаси билан амалдаги шартномасини узайтирди.

Клуб расмий сайтининг маълум қилишича, 26 ёшли аргентиналик футболчи “матрасчилар” билан 2026 йилнинг 30 июнига қадар шартнома имзолаган.

Маълумот учун, Корреа "Атлетико" сафига 2014 йилнинг декабрида Аргентинанинг “Сан-Лоренсо” клубидан кўчиб ўтган. У ўтган давр мобайнида 305 та ўйинда иштирок этди ва ўз ҳисобига 53 та гол ҳамда 52 та голли узатма ёздириб қўйди.