Расман! "Аякс" бош мураббийи истеъфога чиқарилди

Альфред Шредер "Аякс" бош мураббийлигидан озод этилди. Бу ҳақда клуб матбуот хизмати хабар тарқатмоқда.

Манбага кўра, бундай қарорга жамоанинг жорий мавсумдаги қониқарсиз натижалари сабаб бўлган. Сўнгги ўйинларда амстердамликлар Нидерландия чемпионатида қаторасига тўрт марта дуранг ўйнади ва шу сабаб турнир жадвалида бешинчи ўринга тушиб кетди. Пешқадам “Фейеноорд” билан орадаги фарқ эса 7 очкони ташкил қилмоқда.

Эслатиб ўтамиз, Шредер «Аякс»ни 2022 йилнинг ёзидан буён бошқариб келаётган эди. У бу лавозимда «Манчестер Юнайтед»га кетган Эрик тен Хаг ўрнини эгаллаган.