Расман! Ботир Аҳмедов жаҳон чемпионлик жангида Ўзбекистон номи ва байроғи остида чиқади

  • 12 август, 2022, 16:39
  • 1
  • Бокс

Профессионал бокснинг супер енгил вазн тоифасида (63,5 кг) WBА жаҳон чемпионлик камари Жош Тейлордан вакант қолган. Эътиборлиси, мазкур камар учун рейтингда биринчи ўринда турган Доминикан вакили Алберто Пуэлло (20-0, 10КО) ва ўзбек боксчиси Ботир Аҳмедов (9-1, 8КО) жанг қилиши белгиланган. Мазкур тўқнашув 20 август куни Америка Қўшма Штатларининг Флорида штатида PBC бокс оқшомида бўлиб ўтади. 

IMG_20220812_162855

Ботир Ахмедов Сирдарё вилоятида туғилиб ўсган. Бизга берилган маълумотларга кўра, Аҳмедов чемпионлик жангида Ўзбекистон номидан, Ўзбекистон байроғи остида рингга кўтариладиган бўлди. Агарда у ушбу камарини қўлга киритса, ўзбек боксчилари орасида 4-чемпионга айланади. 

Эслатиб ўтамиз, бунга қадар Руслан Чагаев, Артур Григорян, Муроджон Аҳмадалиев ушбу номга сазовор бўлган.

Ушбу вазн тоифаси WBА рейтингида Шоҳжаҳон Эргашев 12-ўринда бормоқда. 7-ўринда қайд этилган Шаҳрам Ғиёсов ўз вазн тоифасини ўзгартирган.

SPORTS.UZ сайтининг Ботир Аҳмедов билан уюштирган интервьюсини қуйида томоша қилишингиз мумкин.

Фикрлар

Фикр қолдириш учун авторизациядан ўтинг!
араббаевич давлат
12/08/2022 16:53
Гап йук. Омад. Трансляция килинадимикан.