Расман! "Брайтон" Фатини ўз сафига қўшиб олганини маълум қилди

Расман "Брайтон" Ансу Фатини ўз таркибига қўшиб олганини маълум қилди. 

21 ёшли вингер бир мавсумлик ижара асосида Англия клубига ўтди. Шартномага кўра, жамоа футболчининг маошини ярмидан кўпроғини тўлаб беради. Шу билан бирга, Фати энг кўп маош олувчи ўйинчига айланади. 

Ансу "Барса" академиясида таҳсил олган бўлиб, 2019 йилда асосий жамоа сафига қўшилган. Жароҳатлар сабаб кўп ўйин амалиётига эга бўла олмаётган вингер Каталонияни вақтинча тарк этишга қарор қилди.