Расман! "Бунёдкор" 2 нафар легионер билан шартнома имзолади (Фото)

Хабарингиз бор, "Бунёдкор" жамоаси давралар оралиғида Минскда ўқув-йиғин машғулотларини ўтказди. Йиғин давомида уч нафар хорижлик футболчи кўрикдан ўтди. Уларнинг икки нафари билан шартнома имзоланди. Булар - россиялик Дмитрий Островский ва украиналик Евгений Чумак. Бу ҳақда клуб матбуот хизмати хабар берди.

Манбанинг маълум қилишича, ҳар иккала футболчи ҳам ярим ҳимояда ҳаракат қилади, фақат бири қанотда, иккинчиси марказда. Дмитрий Островский 21-рақамда ҳаракат қилса, Евгений Чумакка 24-рақамдаги либос топширилди.

ДМИТРИЙ ОСТРОВСКИЙ
Туғилган санаси: 15.04.1998
Фуқаролиги: Россия
Амплуаси: Қанот ярим ҳимоячиси
Фаолияти: «Арарат» (Арманистон, 2016-2017), «Олой» (Қирғизистон, 2017-2018).

ЕВГЕНИЙ ЧУМАК
Туғилган санаси: 25.08.1995
Фуқаролиги: Украина
Бўйи: 181 см. Вазни: 73 кг
Амплуаси: ярим ҳимоячи
Фаолияти: «Динамо» (Украина, 2012-2016), «Говерла» (Украина, 2015), «Торпедо-БелАЗ» (Белорусь, 2016), «Звезда» (Украина, 2016), «Карпати» (Украина, 2016), «Дняпро» (Белорусь, 2017), «Десна» (Украина, 2018), «Шевардени» (Грузия, 2019).

УКРАИНА ТЕРМА ЖАМОАСИ
2012-2013 Украина (u-18) 8 (0)
2013-2014 Украина (u-19) 10 (0)
2014-2015 Украина (u-20) 9 (1)
2014-2016 Украина (u-21) 6 (2)