Расман! "Бухоро" Улуғбек Бақоевни рўйхатдан ўтказди, Фузайлов ҳам клубда қолади

Бир неча кун олдин "Бухоро" маҳоратли мутахассис Улуғбек Бақоев билан шартнома имзоланганини эълон қилди.

ЎзПФЛ матбуот хизмати берган маълумотга кўра, бухороликлар мутахассисни Лига рўйхатидан ўтказган. Шунингдек, 4 та тур давомида жамоада ишлаган Ҳаким Фузайлов ҳам маслаҳатчи мураббий сифатида ишлашда давом этади.

Маълумот учун, Бақоев ўтган мавсум сўнгида "Сўғдиёна" билан хайрлашганди. Клуб бошқарувида у Ўзбекистон Суперлигаси кумуш медалларига эга чиққан.