Расман: Чичарито АПЛга қайтди
Мексика терма жамоаси ҳужумчиси Хавьер Эрнандес ўз фаолиятини яна Англия Премьер-лигасида давом эттиради. Лондоннинг "Вест Хэм" клуби 29 ёшли футболчини "Байер"дан сотиб олди.
Маълумотларга кўра, Чичоритонинг трансфери қиймати 18 миллион еврони ташкил қилган. Мексикалик футболчи "болғачилар" билан 3 йиллик шартнома тузган.
Чичарио 2015 йил ёзидан "Байер" шарафини ҳимоя қилиб келаётганди. У леверкузенликлар учун 76 та ўйинда майдонга тушиб, ўз ҳисобига 39 та гол ёзиб қўйган.
Хавьер Эрнандес 2010-2014 йиллар давомида Англиянинг энг машҳур клубларидан бири бўлган "Манчестер Юнайтед"да тўп сурган.
Фикрлар