Расман! "Динамо" Нурилло Тўхтасиновни ўз сафига қўшиб олди

Нурилло Тўхтасинов "Динамо" футболчисига айланди. Бу ҳақда клуб матбуоти хабар бермоқда. 

"Динамо" жамоаси 2026 йилги мавсум олдидан таркибни кучайтириш ишларини давом эттирмоқда.

«Динамо» ПФК Суперлига клубларидаги иштироки, Ўзбекистон олимпия жамоаси ва Малайзиянинг «Теренггану» клубидаги фаолияти орқали мухлисларга танилган Нурилло Тўхтасинов билан шартнома имзолаганини мамнуният билан эълон қилади. 28 ёшли легионер куни кеча 2,5 йиллик фаолиятидан кейин Малайзия клубидаги хайрлашув учрашувини ўтказди ва эркин агент сифатида «Динамо» билан келишувга эришди.

«Теренггану» етакчиси сифатида Малайзия клуби мухлислари ишончини қозонган Тўхтасинов Самарқандда ҳам янги тарих ярата олишига ишонамиз. Вадим Абрамов қўл остида «Бунёдкор»да ном қозонган Нурилло «Динамо»да ҳам мураббий ва барчанинг ишончини оқлашига тилакдошмиз. 

"Динамо" оиласига хуш келибсиз, Нурилло", - дейилади хабарда.