Расман! Эрик Абидаль "Барселона"дан кетди

"Барселона" спорт директори Эрик Абидаль истеъфога чиқди. Бу ҳақда клуб расмий сайти хабар тарқатмоқда.

Юқоридаги манбага қараганда, томонлар ўзаро келишган ҳолда шартномани бекор қилган. Улар ўртасидаги келишув 2022 йилга қадар имзоланган эди.

Февралда Абидаль жамоанинг айрим футболчиларини ўйинларда ва машғулотларда ўз вазифаларини сидқидилдан бажармаётганликлари борасида айблаган эди. Кейинчалик ушбу воқеа франциялик мутахассис ва Лионель Месси ўртасида можаро бошланишига сабаб бўлган.