Расман! Иско "Бетис" билан шартномасини узайтирди

"Бетис" ярим ҳимоячиси Иско жамоа билан янги шартнома имзолади. Бу ҳақида клуб матбуот хизмати хабар берди. Келишув 2027 йилнинг ёзига қадар мўлжалланган.

Иско жорий мавсум бошланишидан олдин "Бетис"га эркин агент сифатида келиб қўшилганди. Дастлабки олти ойда испаниялик ярим ҳимоячи мураббийлар штабида ажойиб таассурот қолдирди, бунинг натижасида у тезда янги шартномага эришди.

Жорий мавсумда Иско Испания чемпионатида 17 та ўйинда майдонга тушиб, 2 та гол ва 2 та голли узатмага муаллифлик қилган.