Расман! Кике Сетьен истеъфога чиқарилди. Катта эҳтимол билан унинг ўрнини "Барселона" собиқ футболчиси эгаллайди

Бир қатор хориж нашрлари "Барселона" бош мураббийи Кике Сетьеннинг расман истеъфога чиқарилганини эълон қилди. Хабарларга кўра, шахсан Хосеп Бартомеунинг ўзи бу ҳақида гапириб ўтган.

"Бавария"га қарши беллашувдан сўнг, каталонияликлар раҳбари бир ҳафта ичида жамоага янги бош мураббий тайинланишини маълум қилганди. Бир неча соат аввал эса, Роналд Куманнинг аэропортда текширувдан ўтаётган видеоси ижтимоий тармоқларда тарқалиб кетди.

Аввалроқ, "Mundo Deportivo" голландиялик мутахассис "кўк-анорранглилар"ни бошқариш учун терма жамоадан кетишга тайёрлигини маълум қилганди.