Расман! “Ливерпуль” етакчиси билан узоқ муддатли шартнома имзолади (фото)

"Ливерпуль" ҳужумчиси Диого Жота билан шартномани узайтирганини эълон қилди.

25 ёшли португалиялик билан янги келишув 2027 йилнинг июнь ойи охиригача амал қилади.

Жота 2020 йил сентябридан буён “Ливерпуль” шарафини ҳимоя қилиб келади ва клуб сафида 85 ўйинда майдонга тушиб, ўз ҳисобига 34 гол ва 9 ассист ёздириб қўйган.

“Ливерпуль” таркибида Жота Англия кубоги, шунингдек, мамлакат Суперкубоги ва Англия лига кубоги соҳибига айланди.