Расман! "Ливерпуль" ЖЧ кашфиётларидан бирининг трансферини эълон қилди (фото)

ПСВ футболчиси Коди Гакпо фаолиятини Англия Премьер лигасида давом эттиради.

"Ливерпуль" нидерландиялик ҳужумчи трансферини эълон қилди. 23 ёшли форвард мерсисайдликлар либосида 18-рақам остида ҳаракат қилади. Аввалроқ, Гакпога "Манчестер Юнайтед"дан жиддий қизиқиш борлиги тахмин қилинганди.

Коди "учар голландлар" таркибида Жаҳон чемпионатида порлади ва ўз ҳисобига 3 та гол ёздириб қўйишга муваффақ бўлди.