Расман! "Ливерпуль" ёздаги илк трансферини эълон қилди (видео)

"Ливерпуль" "Брайтон"дан Алексис МакАлистерни тўлиқ сотиб олди. Бу ҳақда клуб расмий сайти хабар берди. Трансфер суммаси 40 миллион еврони ташкил этади. У 2028 йилга қадар амал қиладиган шартномага имзо чеккан.

У янги жамоасида 10-рақам остида тўп тепади. 24 ёшли футболчи тиббий текширувдан муваффақиятли ўтган. 

"Бу мен учун фантастик йил бўлди. Орзуларим амалга ошмоқда. Янги мавсум старт олишини интизорлик билан кутмоқдаман. 

Жаҳон чемпионатида ғолиб бўлганимдан сўнг янада кўпроқ совринлар ютиш ҳақида ўйлай бошладим. Ўйлашимча, "Ливерпуль" бу боради менга ёрдам бера олади", - деди аргентиналик истеъдод соҳиби.