Яқинда “Локомотив”ни тарк этган Маъмур Икромов Тошкентда шуғулланаётган Тожикистоннинг “Хўжанд” жамоаси машғулотларига қўшилганлиги ҳақида хабар бергандик. Ўзаро музокаралардан кейин Икромов расман “Хўжанд” аъзосига айланганлиги маълум бўлди. Бу борада футболчининг ўзи sports.uzга маълум қилди.

Тожикистонликлар ҳамюртимиз билан бир йиллик шартнома имзолашган. Шу тариқа, “Хўжанд” клуби дарвозабон муаммосини ҳал қилди. Айтиш керакки, Маъмур фаолияти давомида “Металлург”, Андижон”, “Локомотив” каби клубларда фаолият олиб борган.