Расман! Маҳмуд Мурадов 29 август куни жанг қилади

Маълумки, UFCдаги илк вакилимиз Маҳмуд Мурадов ушбу промоушендаги 4-жангини 29 августда ўтказиши кўзда тутилганди.

Бу воқелик расман ўз тасдиғини топди ва ҳамюртимиз ушбу санада АҚШ вакили Жералд Мёршарт билан жанг қиладиган бўлди. Мазкур қарама-қаршилик "UFC ON ESPN 30" турнирида рўй беради. 

Мёршарт фаолияти мобайнида 32 та ғалаба (UFCда 7 та) ва 14 мағлубият (UFCда 6 та) қайд этган. Сўнги жангини поляк Бартош Фабинскига қарши ўтказиб, биринчи раунддаёқ рақибини мағлуб этган. Юртдошимиз эса, 25 та ғалаба ва 6 мағлубиятдан иборат натижага эга. У охирги бор, Эндрю Санчесни техник нокаутга учратган эди. 

Биз мазкур жангга оид тайёргарлик борасида Маҳмуд Мурадовнинг фикрлари билан қизиқдик. 

- Барчаси яхши кетмоқда. Тайёргарлик аъло даражада. Жангга ҳозирликни кўп қисмини  Европада яъни, Чехия ҳамда Польшада олиб бормоқдаман. Бу ерда ўз жамоам бор. Ўйлайманки, барчаси яхши бўлади.