Расман! "Манчестер Сити" етакчиси билан шартномани узайтирди

"Манчестер Сити" қанот ҳимоячиси Жоау Канселу билан амалдаги шартномани узайтирганини маълум қилди. Португал футболчиси клуб билан 2027 йил июн ойига қадар мўлжалланган келишувга имзо чекди. 

Хабар қилинишича, 27 ёшли иқтидор билан музокаралар ўтган йилнинг декабр ойида бошланган. Футболчининг қанча маош олиши ҳозирча эълон қилинмаган.

Эслатиб ўтамиз, Жоау манчестерликлар сафига 2019 йил ёзида "Ювентус"дан келиб қўшилганди.

Маълумот ўрнида, Канселу жорий мавсум АПЛдаги 22 учрашувда 1 гол ва 5 ассистни ўз ҳисобига ёздириб қўйган.