Расман! "Манчестер Сити" футболчиси "Эвертон"га кўчиб ўтди

"Манчестер Сити" клуби ярим ҳимоячиси Фабиан Делф расман "Эвертон" футболчисига айланди.

Клуб расмий сайти тарқатган хабарга кўра 29 ёшли англиялик футболчининг трансфери “ирисчилар”га 9 миллион еврога тушган. Унинг ўзи эса янги жамоаси билан 2022 йилга қадар шартнома имзолаган.

Таъкидлаш керакки, Делф аллақачон “Эвертон” билан Швейцариядаги йиғинда иштирок этаётган эди.

Маълумот учун, Делф “Манчестер Сити” шарафини 2015 йилдан буён ҳимоя қилиб келаётган эди. У ўтган давр мобайнида “шаҳарликлар” сафида жами 78та ўйинда майдонга тушди ва ўз ҳисобига 5та гол ҳамда 3та голли узатма ёздириб қўйишга эришди.