Расман! "Манчестер Сити" ёш футболчи билан шартнома имзолади

"Ривер Плейт" футболчиси Хулиан Альварес "Манчестер Сити" аъзосига айланди. Ушбу трансфер 18,5 миллион евро ва яна турли бонусларни ўз ичига олади.

Футболчи "шаҳарликлар" билан 5 йиллик шартнома имзолаган ва шунингдек, унинг мавсум якунига қадар "Ривер Плейт"да қолишга рози бўлгани айтилмоқда.

Статистикага кўра, Хулиан Альварес Аргентина чемпионати доирасидаги 21 ўйинда 18 та гол ва 6 та ассистни ўз ҳисобига ёзиб қўйган.

"Transfermarkt" порталида 21 ёшли вингер 20 миллион еврога баҳоланмоқда.