Расман! Массимилиано Аллегри яна "Ювентус"га қайтди

Массимилиано Аллегри яна “Ювентус”га қайтди. Бу ҳақда клуб расмий сайти хабар бермоқда.

Ҳозирча клуб 53 ёшли италиялик мутахассис билан қанча муддатга шартнома имзолагани ҳақида расман эълон қилмаяпти. Лекин бундан аввалроқ, Аллегри “кекса синьора” билан 2025 йилга қадар шартнома имзолаши ва йилига 9 млн евро маош олиши ҳақида хабарлар тарқалган эди.

Массимилиано “Ювентус”ни 2014-2019 йилларда бошқарган. У ушбу давр мобайнида 11 соврин қўлга киритган. Жумладан, 5 марта А Серияда чемпион бўлган.

Аллегри “Ювентус”дан кетгач ишсиз юрган эди. У кетгач 2 мавсум жамоани Маурицио Сарри ва Андреа Пирло бошқарди.