Расман! "Милан" 20 ёшли португалиялик ҳужумчи билан шартнома имзолади

Франциянинг "Лилль" клуби форварди Рафаэл Леау фаолиятини "Милан"да давом эттирадиган бўлди. Бу ҳақда клуб расмий сайти хабар тарқатмоқда.

Юқоридаги манбаага кўра 20 ёшли футболчининг трансфери “россонерилар”га 30 млн еврога тушган. Унинг ўзи эса янги жамоаси билан 2024 йилга қадар шартнома имзолади.

Маълумот учун, Леау “Лилль” сафида 2018 йилдан буён тўп суриб келаётган эди. У ўтган мавсум 26та ўйинда иштирок этди ва 8та гол ҳамда 2та голли узатмага муаллифлик қилди. У бундан аввал Лиссабоннинг “Спортинг” клуби шарафини ҳимоя қилган.