Расман! Мусаев "Нефтчи"дан кетди

Куни кеча Sports.uz сайтида Фозил Мусаев билан суҳбат эътиборингизга ҳавола қилинди ва унда футболчи "Нефтчи"дан кетганини маълум қилганди. Ўз ўрнида клуб матбуот хизмати тасдиқлаган ҳолда футболчининг жамоани тарк этгани тўғрисида расмий хабар тарқатди. 

"Жамоамиз таркибига 2022 йилнинг биринчи давраси якунидан сўнг келиб қўшилган ва жамоамизни ўша мавсумда Суперлигада жон сақлаб қолиши учун муносиб ҳисса қўшган ҳимоячи Фозил Мусаев жамоамиз билан хайрлашди!

Фозил Мусаев жамоамиз таркибида жорий мавсумда 13 бор майдонда кўриниш берган ва 455 дақиқа ҳаракат қилиб, икки бор ҳакамлар томонидан огоҳлантирилган.Ўтган йилги мавсумда футболчи саккиз марта майдонга чиқиб икки бор гол уришга муаваффақ бўлган эди.

Фозил Мусаевга аҳил жамоамиз номидан келажакдаги фаолиятига омад ёр бўлишини, жамоамиз равнақи йўлида қўшган ҳиссаси учун миннатдорчилик билдирамиз", - дейилади хабарда.

Фозил Мусаев: "Қўлдан келганича ўйнамоқчиман, бундай онларни ҳеч қандай пулга сотиб ололмайсиз"